കൊച്ചി: മലയാള സിനിമാ സംവിധായകന്‍ കെ.കെ. ഹരിദാസ് അന്തരിച്ചു. കൊച്ചി ആസ്റ്റർ മെഡിസിറ്റിയിൽ വെച്ചായിരുന്നു അന്ത്യം.
പത്തനംതിട്ട ജില്ലയിലെ മൈലപ്രാ സ്വദേശിയായ ഹരിദാസ് 1994 മുതല്‍ സിനിമാ സംവിധാന രംഗത്ത് സജീവമായിരുന്നു. വധു ഡോക്ടറാണ്, കൊക്കരക്കോ, കാക്കയ്ക്കും പൂച്ചയ്ക്കും കല്യാണം. കിണ്ണം കട്ട കള്ളൻ, കല്യാണ പിറ്റേന്ന്, ഇക്കരയാണെൻ്റെ മാനസം, പഞ്ചപാണ്ഡവർ, ഒന്നാംവട്ടം കണ്ടപ്പോൾ, ഈ മഴ തേൻ മഴ, സി.ഐ. മഹാദേവൻ അഞ്ചടി നാലിഞ്ച് , വേക്കേഷൻ, മാണിക്ക്യൻ, ഗോപാലാപുരാണം, ജോസേട്ടൻ്റെ ഹീറോ, 3 വിക്കറ്റിന് 365 റൺസ് തുടങ്ങി 20 ചിത്രങ്ങള്‍ ഹരിദാസ് സംവിധാനം ചെയ്തിട്ടുണ്ട്.
1982ല്‍ രാജു മഹേന്ദ്ര സംവിധാനം ചെയ്ത ‘ഭാര്യ ഒരു മന്ത്രി’ എന്ന ചിത്രത്തില്‍ സംവിധായ സഹായിയായാണ് അദ്ദേഹത്തിന്‍റെ തുടക്കം. പ്രശസ്ത സംവിധായകരുടെ 48 ചിത്രങ്ങളില്‍ അസോസിയേറ്റ് ആയി ജോലി ചെയ്തിട്ടുണ്ട്.
ഭാര്യ: അനിത ഹരിദാസ്, മക്കൾ : ഹരിത ഹരിദാസ്, സുര്യദാസ്.
