25
Thursday
February 2021

വിദേശ കുടിയേറ്റം; ചൂഷണം തടയുവാൻ വിദേശകാര്യ വകുപ്പും നോർക്കയും കൈകോർക്കും

Google+ Pinterest LinkedIn Tumblr +

തിരുവനന്തപുരം: തൊഴിൽ ചൂഷണങ്ങളും തട്ടിപ്പുകളും തടയാനും സുരക്ഷിതവും നിയമപരവുമായ കുടിയേറ്റം സാധ്യമാകുന്നതിനുമായി കേന്ദ്ര വിദേശകാര്യ വകുപ്പും നോർക്ക വകുപ്പും സംയുക്തമായി തിരുവനന്തപുരത്ത് ആഗസ്റ്റ് 29, 30 തീയതികളിൽ ബന്ധപ്പെട്ടവരുടെ യോഗം സംഘടിപ്പിക്കും. അനധികൃത റിക്രൂട്ട്മെന്റ്, വ്യാജ വിസ തട്ടിപ്പ്, ഓൺലൈൻ ജോലി വാഗ്ദാനം ചെയ്ത് കബളിപ്പിക്കൽ തുടങ്ങിയവ വർദ്ധിച്ചു വരുന്ന സാഹചര്യത്തിലാണ് യോഗം.

കേന്ദ്ര വിദേശകാര്യ വകുപ്പ്, നോർക്ക വകുപ്പ്, ആഭ്യന്തര വകുപ്പ് എഫ്ആർആർഒ, തിരുവനന്തപുരം റീജിയണൽ പാസ്പോർട്ട് ഓഫീസ് എന്നിവിടങ്ങളിലെ ഉദ്യോഗസ്ഥരും വിവിധ അംഗീകൃത റിക്രൂട്ടിംഗ് ഏജൻസികളുടെ പ്രതിനിധികളും യോഗത്തിൽ പങ്കെടുക്കും. പൊതുജനങ്ങൾക്ക് പരാതികൾ അവതരിപ്പിക്കുവാനും ബന്ധപ്പെട്ട ഉദ്യോഗസ്ഥരുടെ ശ്രദ്ധയിൽപ്പെടുത്താനുള്ള അവസരം ഒരുക്കും. ഇതിനായി തിരുവനന്തപുരത്ത് തൈക്കാട് നോർക്ക റൂട്ട്സിൽ പ്രവർത്തിക്കുന്ന വിദേശകാര്യ വകുപ്പിന്റെ പ്രൊട്ടക്ടർ ഓഫ് എമിഗ്രൻസിന്റെ ഓഫീസിൽ ആഗസ്റ്റ് 26 നകം ഫോൺ/ഇ-മെയിൽ മുഖാന്തിരം ബന്ധപ്പെടണം. ഫോൺ: 0471-2336625. ഇ-മെയിൽ: peotvm2@mea.gov.in

Share.

About Author

നിങ്ങള്‍ ആയിരിക്കുന്ന സ്ഥലത്തെ വാര്‍ത്തകള്‍ കണ്ടെത്തി ഞങ്ങളെ അറിയിക്കുക വഴി നിങ്ങള്‍ക്കും ഒരു ജേര്‍ണലിസ്റ് ആകാം. മലയാളപത്രം.കോം 

Comments are closed.

Social Media Auto Publish Powered By : XYZScripts.com