26
Friday
February 2021

കമൽഹാസനൊപ്പം ഇന്ത്യൻ 2 വിൽ ഇന്ദ്രജിത് സുകുമാരനെത്തുന്നു

Google+ Pinterest LinkedIn Tumblr +

ശങ്കര്‍ സംവിധാനം ചെയ്യുന്ന പുതിയ ചിത്രമാണ് ഇന്ത്യന്‍ 2 . 1996 ല്‍ കമല്‍ ഹാസനെ നായകനാക്കി പുറത്തിറക്കിയ ചിത്രമായ ഇന്ത്യന്‍ വലിയ വിജയമായിരുന്നു. ഇതിന്റെ രണ്ടാം ഭാഗമായാണ് ഈ ചിത്രം ഒരുക്കുന്നത്. ചില സാങ്കേതിക തടസ്സങ്ങള്‍ മൂലം ഇപ്പോള്‍ ഷൂട്ടിംഗ് നിര്‍ത്തി വെച്ചിരിക്കുകയാണ് എങ്കിലും ഇന്ത്യന്‍ 2 അധികം വൈകാതെ തന്നെ പുനരാരംഭിക്കും എന്ന് തന്നെയാണ് റിപ്പോര്‍ട്ടുകള്‍ പറയുന്നത്.

കമല്‍ ഹാസന്‍ സേനാപതിയായെത്തുന്ന രണ്ടാം ഭാഗത്തില്‍ നായികയായെത്തുന്നത് കാജല്‍ അഗര്‍വാള്‍ ആണ്. വമ്പൻ താര നിര അണിനിരക്കുന്ന ഈ ചിത്രത്തില്‍ മലയാളത്തില്‍ നിന്നും ഇന്ദ്രജിത് സുകുമാരനും ഉണ്ടെന്ന തരത്തിലുള്ള റിപ്പോര്‍ട്ടുകള്‍ ആണ് ഇപ്പോള്‍ പുറത്തു വരുന്നത്. കാര്‍ത്തിക് നരെയ്ന്‍ ഒരുക്കിയ നരകാസുരന്‍ എന്ന തമിഴ് ചിത്രത്തില്‍ ഇന്ദ്രജിത് അഭിനയിച്ചിരുന്നു എങ്കിലും ആ ചിത്രം ഇത് വരെ റിലീസ് ചെയ്തിട്ടില്ല. പൃഥ്വിരാജ് ചിത്രമായ ലൂസിഫര്‍ ആണ് ഇന്ദ്രജിത്തിന്റെ ഇനി വരാന്‍ പോകുന്ന റിലീസ്.

ഷാജി കൈലാസ് നിര്‍മ്മിക്കുന്ന താക്കോല്‍ എന്ന ചിത്രവും രാജീവ് രവി ഒരുക്കുന്ന തുറമുഖം എന്ന ചിത്രവും ഇന്ദ്രജിത്തിന്റേതായി പുറത്തുവരാനുണ്ട്. ഇന്ത്യന്‍ 2 ഇല്‍ കമല്‍ ഹാസനോടൊപ്പം ഒരു ബോളിവുഡ് താരവും ഉണ്ടാകും എന്നുള്ള സൂചനകള്‍ വന്നിരുന്നു. അതുപോലെ തന്നെ തമിഴില്‍ നിന്ന് ചിമ്പുവും ഈ ചിത്രത്തിന്റെ ഭാഗം ആകുമെന്ന് റിപ്പോര്‍ട്ടുകള്‍ ഉണ്ടായിരുന്നു. അനിരുദ്ധ് രവിചന്ദറാണ് ഈ ചിത്രത്തിന്റെ സംഗീതം ഒരുക്കുന്നത്. ലൈക്ക പ്രൊഡക്ഷന്‍സ് നിര്‍മ്മിക്കുന്ന ഈ ചിത്രത്തിന്റെ നിര്‍മ്മാണ പങ്കാളി ആയി മറ്റൊരു നിര്‍മ്മാതാവ് കൂടി ഉടന്‍ എത്തും എന്നാണ് സൂചന.

Share.

About Author

നിങ്ങള്‍ ആയിരിക്കുന്ന സ്ഥലത്തെ വാര്‍ത്തകള്‍ കണ്ടെത്തി ഞങ്ങളെ അറിയിക്കുക വഴി നിങ്ങള്‍ക്കും ഒരു ജേര്‍ണലിസ്റ് ആകാം. മലയാളപത്രം.കോം 

Comments are closed.

Social Media Auto Publish Powered By : XYZScripts.com