31
Saturday
October 2020

വസന്തകുമാറിന്‍റെ കുടുംബത്തെ മന്ത്രി എകെ ബാലന്‍ ഇന്ന് സന്ദര്‍ശിക്കും

Google+ Pinterest LinkedIn Tumblr +

വയനാട്: പുല്‍വാമ ഭീകരാക്രമണത്തില്‍ കൊല്ലപ്പെട്ട ജവാന്‍ വി വി വസന്തകുമാറിന്‍റെ വീട്ടില്‍ മന്ത്രി എ കെ ബാലന്‍ ഇന്ന് സന്ദര്‍ശനം നടത്തും. രാവിലെ 11.30 നാണ് മന്ത്രിയെത്തുക.

വസന്തകുമാറിന്‍റെ കുടുംബത്തിന് സഹായ ധനം നല്‍കുന്ന കാര്യങ്ങള്‍ സംസ്ഥാന സര്‍ക്കാരിന്‍റെ പരിഗണനയിലാണ്. വീരമൃത്യു വരിച്ച ജവാന്‍റെ കുടുംബത്തെ സര്‍ക്കാര്‍ സംരക്ഷിക്കുമെന്ന് മന്ത്രി ഇ പി ജയരാജന്‍ വ്യക്തമാക്കിയിരുന്നു. ദുബായിലുള്ള മുഖ്യമന്ത്രി പിണറായി വിജയന്‍ നാട്ടില്‍ തിരിച്ചെത്തിയാലുടന്‍ വസന്തകുമാറിന്‍റെ കുടുംബത്തിനാവശ്യമായ എല്ലാ സഹായങ്ങളും ഉറപ്പാക്കുമെന്നും ഇ പി ജയരാജന്‍ വ്യക്തമാക്കി. ഈ മാസം 19 ന് ചേരുന്ന മന്ത്രിസഭാ യോഗത്തില്‍ വസന്തകുമാറിന്‍റെ കുടുംബത്തിന് നല്‍കുന്ന സഹായം സംബന്ധിച്ച്‌ തീരുമാനമുണ്ടാകും.

Share.

About Author

നിങ്ങള്‍ ആയിരിക്കുന്ന സ്ഥലത്തെ വാര്‍ത്തകള്‍ കണ്ടെത്തി ഞങ്ങളെ അറിയിക്കുക വഴി നിങ്ങള്‍ക്കും ഒരു ജേര്‍ണലിസ്റ് ആകാം. മലയാളപത്രം.കോം 

Comments are closed.

Social Media Auto Publish Powered By : XYZScripts.com