28
Wednesday
October 2020

ഉന്നതവിദ്യാഭ്യാസ വകുപ്പ് വെബ്സൈറ്റിന്റെ മലയാളം പതിപ്പ് ഉദ്ഘാടനം ചെയ്തു

Google+ Pinterest LinkedIn Tumblr +

* അധ്യാപക വിദേശയാത്രാനുമതിക്ക് പുതിയ സോഫ്റ്റ്വെയർ

ഉന്നത വിദ്യാഭ്യാസ വകുപ്പിന്റെ വെബ്സൈറ്റ് ഇനി മലയാളം പതിപ്പിലും. മലയാളത്തിലുള്ള വെബ്സൈറ്റിന്റെ ഉദ്ഘാടനം സെക്രട്ടേറിയറ്റ് അനക്സ് 2 ലെ ശ്രുതി ഹാളിൽ നടന്ന ചടങ്ങിൽ ഉന്നതവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറി ഡോ. ഉഷ ടൈറ്റസ് നിർവഹിച്ചു. www.highereducationml.kerala.gov.in എന്ന വെബ്സൈറ്റിൽ ഇനി ഉന്നതവിദ്യഭ്യാസ വകുപ്പുമായി ബന്ധപ്പെട്ട വിവരങ്ങളും അറിയിപ്പുകളും അറിയാം.
വകുപ്പ് രൂപകല്പന ചെയ്ത പുതിയ സോഫറ്റ്വെയർ സോഫ്റ്റിന്റെ (SOAFT-System for online application for foreign travel) ഉദ്ഘാടനവും പ്രിൻസിപ്പൽ സെക്രട്ടറി നിർവഹിച്ചു. സർവകലാശാലകളിലേയും കോളേജുകളിലേയും അധ്യാപകർക്ക് വിദേശയാത്രയ്ക്കുള്ള അനുമതി തേടുന്നതിനുള്ളതാണ് ഈ സോഫ്റ്റ്വെയർ. വിദേശയാത്രാനുമതിക്കായി അധ്യാപകർ ഏറെനാൾ കാത്തിരിക്കുന്നത് ഒഴിവാക്കാനായാണ് ഈ സംരംഭം. ഐ.എച്ച്.ആർ.ഡിയുടെ സാങ്കേതിക സഹായത്തോടെയാണ് വെബ്സൈറ്റും സോഫ്റ്റ്വെയറും വികസിപ്പിച്ചെടുത്തത്.
ഡോ. ഷറഫുദ്ദീൻ, ഡോ. ഇന്ദിരാദേവി, ഐ. എച്ച്. ആർ. ഡി. ഡയറക്ടർ ഡോ. പി. സുരേഷ്‌കുമാർ, ജയിംസ് രാജ് തുടങ്ങിയവർ സംസാരിച്ചു.

Share.

About Author

നിങ്ങള്‍ ആയിരിക്കുന്ന സ്ഥലത്തെ വാര്‍ത്തകള്‍ കണ്ടെത്തി ഞങ്ങളെ അറിയിക്കുക വഴി നിങ്ങള്‍ക്കും ഒരു ജേര്‍ണലിസ്റ് ആകാം. മലയാളപത്രം.കോം 

Comments are closed.

Social Media Auto Publish Powered By : XYZScripts.com