31
Saturday
October 2020

സാഹസിക യാത്രക്കിടെ ബൈക്കില്‍ നിന്ന് വീണ് യുവതി മരിച്ചു

Google+ Pinterest LinkedIn Tumblr +

തൃപ്പൂണിത്തുറ: സാഹസിക യാത്രക്കിടെ യുവതി ബൈക്കില്‍ നിന്ന് തെറിച്ച് വീണ് മരിച്ചു. തൃപ്പൂണിത്തറ രാജേന്ദ്രന്റെ മകള്‍ ചിപ്പിയാണ് (23) മരിച്ചത്.

അടിമാലി കൂമ്പന്‍പാറക്ക് സമീപം പ്രവര്‍ത്തിക്കുന്ന ഹില്‍ടോപ്പ് അഡ്വഞ്ചര്‍ എന്ന റൈഡിംഗ് സ്ഥാപനത്തില്‍ ഇന്നലെയായിരുന്നു അപകടം. കൂട്ടുകാരിക്കൊപ്പം കാറില്‍ മൂന്നാര്‍ സന്ദര്‍ശിക്കാന്‍ എത്തിയതായിരുന്നു ചിപ്പി. കൂമ്പന്‍പാറയില്‍ എത്തിയപ്പോഴാണ് റൈഡിംഗ് സ്ഥാപനത്തെക്കുറിച്ച് അറിയുന്നത്. അവിടെയെത്തിയ ഇവര്‍ ട്രക്കിംഗിന് ഉപയോഗിക്കുന്ന എ.ടി.വി ബൈക്കില്‍ സാഹസികയാത്ര നടത്തുന്നതിനിടെ ചിപ്പി തെറിച്ച് വീഴുകയായിരുന്നു. തലയ്ക്കും മുഖത്തും ഗുരുതരമായി പരിക്കേറ്റ യുവതിയെ വിദഗ്ദ്ധ ചികിത്സക്കായി പെരുമ്പാവൂരിലേക്ക് കൊണ്ടുപോകുന്നതിനിടെയായിരുന്നു അന്ത്യം.

ആലുവ രാജഗിരി ആശുപത്രിയിലെ കെമിസ്റ്റായ ചിപ്പി ഒരു മാസം മുമ്പാണ് ഇവിടെ ജോലിയില്‍ പ്രവേശിച്ചത്. തൃപ്പൂണിത്തറ നഗരസഭ വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സന്‍ നിഷ രാജേന്ദ്രനാണ് മാതാവ്. സഹോദരന്‍ ചിന്തു രാജേന്ദ്രന്‍. ചിപ്പിയുടെ പിതാവ് രാജേന്ദ്രന്‍ മൂന്നു വര്‍ഷം മുമ്പ് കോഴിക്കോട്ട് അപകടത്തില്‍ മരണമടഞ്ഞിരുന്നു.

Share.

About Author

നിങ്ങള്‍ ആയിരിക്കുന്ന സ്ഥലത്തെ വാര്‍ത്തകള്‍ കണ്ടെത്തി ഞങ്ങളെ അറിയിക്കുക വഴി നിങ്ങള്‍ക്കും ഒരു ജേര്‍ണലിസ്റ് ആകാം. മലയാളപത്രം.കോം 

Comments are closed.

Social Media Auto Publish Powered By : XYZScripts.com